de tinguely aka. frank grappa aka. tschingg toni droppt es nois Solo Album!!!
vieli jahr nach sim 'mis bier' und em slm52 Album chunnt tatsächlich es nois Solo Teil
wieso ich das weiss?
ich han es telefon im januar 08 abgnoh; de bakara martin am andere ändi. 'de täng wett bi dir es album ufnäh...' klar scho hani zuegseit. etzt im verpisste früehlig 2010 simmer fertig, im mastering. es chunnt---
ebe er räppt; susch sind no d'zis, de skor, de göldin, radio 200K, de phantwo und de baze au no am räppe. de dj showdown macht mehreri hobeleie uf dere produktion!!!
de reezm aka. oli vom hum aka. 'reezm de arsch uf' hät alli beats produziert!!!
ich aka. crazeepop aka. crazyboiler han alles ufgnoh, gmischt und gmasteret!!!
wieso schrieb ich das da ine?
erstens: das isch musig für heads wo klassische rap mit samples, scratches und tüüüfe text und flows liebed. KEI fleeps/disco/electro/pardy/hipster/experimental musig---straightup RAP, da isch glaub en klassiker gebore worde!
zweitens: de tinguely bliibt wahrschinlich de CH rapper wo höchschtintellektuelli text droppe chan aber au mit beidne bei uf de schtrass schtaht und wie alli coole räpper zb.au übers vögle räppt
. dene homies wo mis bier gfalle hät wird s noie album bestimmt aaschpräche---er hät en wäg gfunde sis läbe in text in es mikrophon z räppe. er isch definitiv gwachse
drittens: VIELLICHT häts da ine ja au no es paar groupies.(ich bin definitiv eis worde i dene 2 Jahr) es git ja ganz vieli nonbelievers (typ hät en schprachfähler oder sin engineer hät schaisse bout am EQ oder hetsch halt nüd das sutermikro dörfe näh
) aber für mich isch er eine vo dene räpper wo alles chönd---i sine räps häts alles was ich bi de meischte andere vermisse, EIER
viel wasser isch zwüschezitlich d sihl derab; mir händ en grossteil vom album zweimal ufgnoh;entweder mit noie beats oder optimierte raps. mehreri GUETI tracks sind vo ihm abgschosse worde und somit nüd uf em album.viel gmuulet isch worde, ich han mehreri ultimati müesse setze---min sohn hät glehrt rede zwüscheziitlich und mis babygirl isch au no gebore worde---UND ich liebe oisi arbet immer no.ebe glaub en klassiker
ich bin ja weder sis label no sini promobeuuftragte; ich mach das wells mer gfallt und welli schtolz bin uf sim noie solo album gschaffet zha; mal luege viellicht droppi ja nochli meh news
Tinguely de Chnächt---Nois SoloAlbum
.gif "Yes(1)")
good news si das!
Linear-Darstellung
